2.3 C
Grindavik
27. janúar, 2023

Dagný deilir hjartnæmu myndbandi: ,,Þakklát fyrir þessa óvæntu stund“- Grét fyrstu 22 vikurnar

Skyldulesning

Knattspyrnukonan Dagný Brynjarsdóttir, leikmaður West Ham United og íslenska landsliðsins, greinir frá því á samfélagsmiðlum að hún hafi upplifað sérstaka stund um helgina, stund sem hana hafði dreymt um síðan að hún var ólétt af sínu fyrsta barni. Fyrir leik West Ham gegn Brighton um helgina fékk Dagný tækifæri til þess að leiða son sinn inn á völlinn í tilefni mæðradagsins ytra.

,,Fyrsta skiptið sem ég geng inn á knattspyrnuvöllinn með syni mínum. Þetta var mjög sérstök stund fyrir mig. Þetta er eitthvað sem mig hefur dreymt um síðan að ég var ólétt. Ég er þakklát fyrir þessa óvæntu stund og stuðninginn sem ég fæ á hverjum einasta degi frá félaginu,“ segir meðal annars í færslu Dagnýjar á samfélagsmiðlum.

First time I get to walk on the field with my son. A very special moment for me. This is something I have dreamt of since I was pregnant. Thankful for this surprise and the support I get everyday from the club.

Happy English Mother’s Day to all the amazing mums out there ❤️⚒ https://t.co/MOIrHTRkAz

— Dagný Brynjarsdóttir (@dagnybrynjars) March 27, 2022

Í viðtali við Sky Sports fyrr á árinu greindi Dagný frá því að hún hafi grátið á hverjum einasta degi fyrstu 22 vikur meðgöngunnar. Hún segir það hafa verið sjokk fyrir sig að komast að því að hún væri ólétt á sínum tíma. ,,Fyrstu 22 vikur meðgöngunnar, grét ég á hverjum einasta degi af því að ég var ólétt,“ sagði Dagný í viðtali við Sky Sports fyrr á árinu.

,,Á þessum tíma kannaðist ég ekki við sjálfa mig. Allir þekktu mig sem knattspyrnukonu, landsliðskonu og allt í einu var ég bara ólétt heima hjá mér. Ég áttaði mig síðan á því að þetta væri bara blessun, að þetta væri það besta sem gat komið fyrir mig,“ sagði Dagný.

Dagný segist ekki geta hafa ímyndað sér hversu mikið það myndi gera fyrir sig knattspyrnulega séð að eignast barn. ,,Í lífinu, knattspyrnuleikjum sem og æfingum tel ég mig gera betur núna eftir að ég átti son minn því ég veit að ég er að eyða tíma frá honum og vil gera mitt besta í því að sá tími sé nýttur til hins ítrasta,“ sagði Dagný í viðtali við Sky Sports

Hugarfarið hjá Dagnýju breyttist nánast um leið og hún fékk son sinn í hendurnar. ,,Nánast um leið og ég fékk hann í hendurnar, að ég held á þriðja degi, sagði ég við eiginmann minn að ég væri ekki viss hvort ég vildi spila knattspyrnu á ný, ég vildi bara eignast annað barn strax.“

🗣 „All I wanted to do was be with him.“ ❤️️

West Ham’s @dagnybrynjars speaks on Inside The #WSL about how she is playing with added motivation after having her son 💪 pic.twitter.com/NfN0aL67y4

— Sky Sports WSL (@SkySportsWSL) January 6, 2022

spot_img
spot_img
spot_img

Innlendar Fréttir