dagskrain-i-dag:-lokaumferdin-i-olis,-urslitakeppnin-i-subway-og-fleira

Dagskráin í dag: Lokaumferðin í Olís, úrslitakeppnin í Subway og fleira

Sport

Atli Arason skrifar

Haukar geta sópað Valskonum út úr úrslitakeppninni.
Haukar geta sópað Valskonum út úr úrslitakeppninni. Vísir/Bára Dröfn

Það er nóg um að vera í sportinu í dag og alls eru 13 beinar útsendingar á sport stöðvum Stöðvar 2.

Stöð 2 Sport

Klukkan 18.05 hefst þriðja viðureign Fjölnis og Njarðvíkur í undanúrslitum úrslitakeppni Subway-deildar kvenna. Staðan í einvíginu er 1-1. 

Strax í kjölfarið, klukkan 20.05 hefst rimma Vals og Hauka. Íslandsmeistarar Vals þurfa á sigri að halda þar sem Haukar leiða einvígið 2-0. 

Að leik loknum hefst Subway Körfuboltakvöld þar sem leikirnir tveir verða gerðir upp.

Stöð 2 Sport 2

Albert Guðmundsson og félagar í Genoa mæta Lazio í beinni útsendingu klukkan 10.20.

Klukkan 12.50 hefst viðureign Venezia og Udinese.

Lokaumferðin í Olís-deild karla er á morgun og leikur Selfoss og Vals hefst klukkan 17.50.

NBA 360 er á sínum stað klukkan 19.30 og leikur New Orleans Pelicans og Golden State Warriors fer af stað klukkan 01.30.

Stöð 2 Sport 3

Leikur Roma og Salernitana í ítölsku A-deildinni er í beinni útsendingu klukkan 15.50.

Stöð 2 Sport 4

Klukkan 17.40 er Seinni bylgjan með beina útsendingu frá öllum leikjum í Olís-deild karla þar sem flakkað verður á milli leikvalla.

Fótbolta tímabilið á Íslandi hefst formlega á morgun með Meistarakeppni KSÍ þar sem Víkingur og Breiðablik mætast í beinni útsendingu klukkan 19.50.

Stöð 2 eSport

Sýnt verður frá Áskorendamótinu í CS:GO og útsendingin fer af stað klukkan 18.00.

Stöð 2 Golf

Augusta Masters er í beinni útsendingu frá 19.00.




Fleiri fréttir

Sjá meira


Posted

in

,

by

Tags: