10.3 C
Grindavik
16. september, 2021

Donald Trump náðar Michael Flynn

Skyldulesning

Donald Trump, forseti Bandaríkjanna, tilkynnti á Twitter í gærkvöldi að hann hafi náðað Michael Flynn, fyrrum þjóðaröryggisráðgjafa sinn. Flynn játaði árið 2017 að hafa logið að alríkislögreglunni FBI í tengslum við rannsókn hennar á íhlutun Rússa í bandarísku forsetakosninganna 2016. Nánar tiltekið játaði hann að hafa logið um samskipti sín við sendiherra Rússlands í Bandaríkjunum nokkrum vikum áður en Trump tók við embætti forseta.

„Það er mér mikill heiður að tilkynna að Michael T. Flynn, hershöfðingi, hefur verið náðaður. Til hamingju Michael Flynn og hans frábæra fjölskylda, ég veit að þið munið eiga frábæra þakkargjörðarhátíð,“ skrifaði Trump á Twitter.

It is my Great Honor to announce that General Michael T. Flynn has been granted a Full Pardon. Congratulations to @GenFlynn and his wonderful family, I know you will now have a truly fantastic Thanksgiving!

— Donald J. Trump (@realDonaldTrump) November 25, 2020

Flynn er annar af nánum samstarfsmönnum Trump, sem hann hefur náðað, sem voru sakfelldir fyrir brot í tengslum við rannsókn á íhlutun Rússa í forsetakosningarnar 2016.  Í febrúar náðaði hann Roger Stone sem var ráðgjafi Trump og hafði verið dæmdur í þriggja ára fangelsi.

Upp komst um Stone og Flynn í rannsókn Robert Mueller, sérstaks saksóknara, þegar hann rannsakaði hvort kosningaframboð Trump hefði átt í samstarfi við Rússa.

Axios hafði í gær eftir ónafngreindum heimildarmanni að náðun Flynn sé bara sú fyrsta af mörgum sem Trump ætlar að veita áður en hann lætur af embætti þann 20. janúar næstkomandi.

spot_img
spot_img
spot_img

Innlendar Fréttir