-2 C
Grindavik
22. janúar, 2021

Dregur úr vöruskiptahalla

Skyldulesning

Verðmæti vöruútflutnings (fob) nam 53 milljörðum króna í nóvember 2020 samkvæmt bráðabirgðatölum og verðmæti vöruinnflutnings (fob) 58,5 milljörðum króna. Vöruviðskiptin í nóvember, reiknuð á fob verðmæti, voru því óhagstæð um 5,5 milljarða króna. Í nóvember 2019 voru vöruviðskiptin óhagstæð um 7 milljarða króna á gengi hvors árs.

Verðmæti vöruútflutnings var 0,8 milljörðum króna meiri í nóvember 2020 en í nóvember 2019 eða sem nemur 1,5% á gengi hvors árs. Mestu munar um meiri verðmæti í útflutningi sjávarafurða en á móti kom lækkun á verðmæti iðnaðarvara.

Verðmæti vöruinnflutnings í nóvember 2020 var 0,7 milljörðum króna lægra en í nóvember 2019 eða 1,2% á gengi hvors árs. Lækkunina má aðallega rekja til minni innflutnings á eldsneyti og flutningatækjum, segir á vef Hagstofu Íslands og tekið fram að um bráðabirgðatölur sé að ræða. 

Innlendar Fréttir