7.4 C
Grindavik
15. júní, 2021

Ef við fögnum jólunum deyr fólk í janúar

Skyldulesning

Giuseppe Conte, forsætisráðherra Ítalíu, hvetur landa sína til að fara varlega um jólin og hafa jólin róleg og fámenn og forðast fjölmennar jólasamkomur. Ástæðan er auðvitað heimsfaraldur kórónuveirunnar sem hefur lagst þungt á Ítalíu.

„Ein vika með algjörlega takmarkalausri samveru mun þýða að í janúar verðum við að greiða það dýru verði með mikilli aukningu dauðsfalla og álags á gjörgæsludeildirnar. Við höfum ekki efni á því,“ sagði Conte að sögn Bild.

Ítalir fóru illa út úr fyrstu bylgju faraldursins og ástandið er ekki betra nú í annarri bylgju hans. Í síðustu viku náði fjöldi dauðsfalla sama stigi og var fyrri hluta apríl. Í heildina hafa rúmlega 51.000 manns látist af völdum COVID-19 á Ítalíu.

Álagið á heilbrigðiskerfi landsins hefur verið gríðarlegt síðan heimsfaraldurinn skall á síðasta vetur. Við þessu hefur verið brugðist með því að tvöfalda fjölda gjörgæslurýma sem eru nú orðin 9.931 í landinu. Einnig hefur öndunarvélum verið bætt við en hins vegar hefur aðeins 625 svæfingalæknum og öðrum með sérþekkingu á því sviði verið bætt við starfsmannafjöldann að sögn The Guardian.

spot_img
spot_img
spot_img

Innlendar Fréttir