7 C
Grindavik
23. apríl, 2021

„Ég var ekki tilbúinn að kveðja“

Skyldulesning

Knattpsyrnumaðurinn Guðlaugur Victor Pálsson minnist móður sinnar í færslu á Instagram. Móðir hans Ásta Marta Róbertsdóttir lést 27. nóvember eftir margra ára baráttu við alkahólisma og fíkn.

Guðlaugur skrifar til móður sinnar og byrjar á þessum orðum:

„Ástkær móðir mín sem ég elskaði af öllu hjarta er látin 47 ára gömul eftir langa baráttu við áfengi og fíkniefni,“ skrifar Guðlaugur og heldur áfram.

„Til elskulegrar móður minnar:

Ég hef aldrei skilið til fulls orðin „Ég sakna þín“ fyrr en núna. Ég var ekki tilbúinn að kveðja. Vonin lifði svo sterkt með mér að þú næðir fullum bata og kæmir aftur. Vonin hefur verið slökk og það er sárt. Ég veit hvað þú reyndir og hvernig þú barðist. Þú vildir ekkert fremur en að snúa aftur og vera til staðar fyrir börnin þín og barnabarn. Axel var heppin að hafa þig í sínu lífi. Þú elskaðir hann mikið og hann elskaði þig. Ég lofa þér að hann mun aldrei gleyma þér. Þú gerðir þitt allra besta, ég veit það.

Lífið var hvorki auðvelt né sanngjarnt gagnvart þér og ég vil að þú vitir að ég er svo stoltur af þér.

Þú varst góð móðir og besti vinur minn. Síðustu ár voru okkur erfið en þrátt fyrir erfiðleikana á uppvaxtarárunum hefði ég ekki viljað neina aðra mömmu. Góðu minningarnar lifa að eilífu. Þú gerðir mig að því sem ég er og ég mun vinna áfram hörðum höndum að því að vera besta útgáfan af sjálfum mér, eins og þú vildir. Ég mun áfram gera þig stolta og held áfram að berjast fyrir öllu því sem þú trúðir á og stóðst fyrir.

Þíns stóra og hlýja hjarta verður sárt saknað. Þú varst svo góð manneskja og vildir hjálpa öllum sem á þurftu að halda. Þú varst svo elskuleg og umhyggjusöm gagnvart öllum sem urðu á vegi þínum.

Mér þykir leitt að ég skildi ekki alltaf erfiðleikana sem þú gekkst í gegnum. Ég fyrirgef þér allt og vona að þú fyrirgefir mér.

Ég vil trúa því að friður sé með þér núna á betri stað.

Við kveðjumst ekki. Hvar sem þú ert þá áttu alltaf stað í hjarta mínu. Ég hef alltaf og mun alltaf elska þig.

Þinn sonur,

Gulli Victor“

Guðlaugur ræddi við Sölva Tryggvason í sumar og þá um hans eigin vandamál í tengslum við áfengi. 

Fyrir nokkrum árum ræddi Guðlaugur einnig við Hjört Hjartason um baráttu hans við kvíða og áfengi og má sjá það innslagi hér að neðan.

Í söfnunarþætti SÁA gaf fjölskylda Ástu Mörtu eina milljón króna til styrktar SÁÁ en þá höfðu aðeins liðið nokkrir dagar frá því að móðir Guðlaugs féll frá.

spot_img
spot_img
spot_img

Innlendar Fréttir