Eiður Smári sendir dulda pillu í hitamálið – „Ég allavega mæti ekki nema að ég byrji inná…“ – DV

0
160

Eiður Smári Guðjohnsen hefur sent væna pillu inn í umræðuna í kringum Albert Guðmundsson og val á honum í landsliðið. Albert er ekki í hópnum núna og sagði Arnar Þór Viðarsson að hann væri ekki til í að vera á sömu forsendum og aðrir.

Albert Guðmundsson hefur hingað til ekki viljað ræða málefni landsliðsins og samskipti sín við Arnar Þór Viðarsson en faðir hans Guðmundur Benediktsson gaf út yfirlýsingu um málið í dag. Frændi hans, Albert Brynjar Ingason hefur einnig farið yfir sögu málsins en leikmaðurinn sjálfur hefur kosið að láta kjurt liggja.

Meira:
Harðorð yfirlýsing frá Gumma Ben – Sakar Arnar um að ráðast á son sinn og gera lítið úr honum

„Er bara einn af mínum drengjum í A-landsliði karla í fótbolta??!! Hvaða andsk rugl,“ skrifar Eiður Smári á Twitter.

Andri Lucas Guðjohnsen sonur hans er í hópnum en Sveinn Aronn Guðjohnsen sonur hans er ekki í hóp en hann hefur undanfarið átt fast sæti í hópnum.

Meira:
Albert segir söguna eins og Albert sér hana í máli málanna – „Að hann líti of stórt á sig og væri of góður með sig“

Arnar Þór Viðarsson, þjálfari íslenska karlalandsliðsins, segir að Albert Guðmundsson hafi ekki verið til í að koma inn í landsliðshópinn eftir að honum var tjáð að hann yrði ekki í byrjunarliði í komandi landsleik gegn Bosníu.

„Bara smá pabbarant en allavega er uppáhalds barnið mitt þarna😂 Ég allavega mæti ekki nema að ég byrji inná…..,“ skrifar Eiður og vitnar í þá umræðu um að Albert hafi ekki viljað mæta í landsliðið nema eiga öruggt sæti í byrjunarliðinu.

Eiður Smári var þjálfari landsliðsins til að byrja með ásamt Arnari Þór en Jóhannes Karl Guðjónsson tók við starfi hans á síðasta ári.

Guðmundur faðir Alberts segir málið ekki eins einfallt og þjálfarinn teiknar það upp og kom syni sýnum til varnar í dag. „Þess má líka geta að Albert hefur aldrei tjáð sig um þjálfarann og persónuna AÞV þrátt fyrir ótal tækifæri til að fara í leðjuslaginn sem AÞV virðist elska og fjölmiðlar apa upp eftir honum. Ég kalla þetta leikþátt og ég stend við það þar sem ég er þess fullviss að AÞV hafði engan áhuga á að velja Albert en taldi sig nauðbeygðan þar sem Alberti hefur gengið vel á Ítalíu að undanförnu.“ sagði Guðmundur.

Stoppum aðeins!!!
Er bara einn af mínum drengjum í A-landsliði karla í fótbolta??!!
Hvaða andsk rugl🤬🤬
Bara smá pabbarant en allavega er uppáhalds barnið mitt þarna😂 Ég allavega mæti ekki nema að ég byrji inná…..

— Eidur Gudjohnsen (@Eidur22Official) March 17, 2023