Alex Morgan er farin frá Tottenham.
AFP
Enska knattspyrnufélagið Tottenham hefur staðfest að ein besta knattspyrnukona heims Alex Morgan hafi yfirgefið félagið en hún lék aðeins fimm leiki með liðinu.
Morgan kom til Tottenham frá Orlando í heimalandinu í september með því markmiði að koma sér aftur í leikform eftir að hún átti sitt fyrsta barn í maí. Morgan skoraði tvö mörk í leikjunum fimm.
Morgan, sem er þrítug, var markahæst á heimsmeistaramótinu í Frakklandi á síðasta ári er hún og stöllur í Bandaríkjunum urðu heimsmeistarar.
Hún hefur skorað 107 mörk í 169 landsleikjum og verið á mála hjá Orlando Pride í heimalandinu síðan 2016.
