6.3 C
Grindavik
23. september, 2021

Einn smitaður og tuttugu í sóttkví á Vestfjörðum

Skyldulesning

Einstaklingur frá Vestfjörðum sem ferðaðist til höfuðborgarsvæðisins í síðustu viku hefur reynst smitaður af Covid-19. Sá fór aftur heim og eru nú tuttugu komnir í sóttkví vegna málsins. Flestir þeirra á norðanverðum Vestfjörðum en sex sunnan Dýrafjarðarganga.

Í færslu á Facebooksíðu Heilbrigðisstofnunar Vestfjarða segir að búið sé að fullrekja smitið. Viðkomandi einstaklingur hafi passað sig mjög vel í Reykjavíkurferðinni en samt smitast.

Haft er eftir Súsönnu Björgu Ástvaldsdóttur, umdæmislækni sóttvarna á Vestfjörðum, að um bakslag sé að ræða þar sem engin smit hafi greinst á Vestfjörðum síðustu daga og örfáir séu í sóttkví.

Súsanna biður einnig alla Vestfirðinga um að fresta ferðum eins og hægt sé.

spot_img
spot_img
spot_img

Innlendar Fréttir