7 C
Grindavik
23. apríl, 2021

Ekkert fær Noreg stöðvað

Skyldulesning

Noregur er með fullt hús stiga á EM í handbolta sem fer fram í Danmörku þessar vikurnar. Þórir Hergeirsson er þjálfari norska landsliðsins.

Noregur fór með fullt hús stiga upp úr riðlinum og þær norsku lentu í engum vandræðum með Holland í milliriðlinum í dag. Lokatölur urðu 32-25 eftir að Noregur var 16-10 yfir í hálfleik.

Nora Mörk var markahæst í norska liðinu með áta mörk. Stine Oftedal skoraði fimm mörk og þær Henny Reistad, Kari Dale og Stine Skogrand skoruðu fjögur mörk hvor.

Noregur er þar af leiðandi á toppi milliriðils tvö, ásamt Króötum sem unnu 25-20 sigur á Rúmeníu í dag, en bæði lið eru með sex stig. Holland og Þýskaland eru með tvö stig en Ungverjaland og Rúmenía eru án stiga.

Noregur á tvo leiki eftir í milliriðlinum; gegn Króötum á laugardaginn og svo gegn Ungverjalandi 15. desember. Sigur í öðrum þessara leikja og sæti Noregs í undanúrslitunum er tryggt.

Í milliriðli eitt þá eru Frakkland og Rússland með fullt hús stiga eftir sigra í dag. Frakkarnir unnu Spán í hörkuleik og Svartfjallaland marði Rússland.

Úrslit dagsins á EM:

Króatía – Rúmenía 25-20

Svartfjallaland – Rússland 23-24

Frakkland – Spánn 26-25

Holland – Noregur 25-32

spot_img
spot_img
spot_img

Innlendar Fréttir