2 C
Grindavik
14. maí, 2021

Ekki hægt að ákæra Íslendinga og félög Samherja

Skyldulesning

Þrír Íslendingar og félög tengd Samherja verða ekki meðal ákærðu í svokölluðu Fishrot-máli vegna þess að þeir hafa ekki enn verið framseldir til Namibíu. Enginn framsalssamningur er í gildi milli Íslands og Namibíu.

mbl.is/Sigurður Bogi

Dómari í svokölluðu Fishrot-máli, sem nú er rekið fyrir dómstólum í Namibíu, úrskurðaði í morgun að þrír Íslendingar og félög tengd Samherja verði ekki meðal ákærðu í málinu. Það er vegna þess að þremenningarnir verða að mæta fyrir dómara í Namibíu þar sem þeim er kynnt ákæra á hendur þeim. 

Samt sem áður sagði saksóknari fyrir rétti í Namibíu í dag að vinna væri farin af stað við að gera framsalsbeiðni á hendur mönnunum. Þetta kemur fram í fréttum namibískra miðla.

Enginn framsalssamningur er í gildi milli Íslands og Namibíu og því má teljast ólíklegt að þremenningarnir verði ákærðir í Namibíu.

Ekki hægt að ákæra Íslendingana

Þorsteinn Már Baldvinsson, forstjóri Samherja, segir við mbl.is um málið segir að bersýnilegt hafi verið á viðbrögðum dómara í dag að hann hafi verið ósáttur við ákvörðun saksóknara að nafngreina félög tengd Samherja og Íslendingana þrjá, þrátt fyrir að hafa ekki enn reynt að taka af þeim skýrslu eða birta ákæru á hendur þeim. 

Íslendingarnir þrír hafa verið nafngreindir í fjölmiðlum hérlendis áður og þeir sagðir munu verða ákærðir í Namibíu, eins og gert var í frétt RÚV í febrúar. Eins og áður segir er ljóst að svo verði líklega ekki.

Þorsteinn sendi mbl.is skriflegt svar þegar leitað var eftir viðtali. Þar segir hann að ánægjulegt sé að dómstólar í Namibíu bregðist við aðför gegn Samherja.

„Samherji hefur ætíð byggt á því að þegar félög tengd Samherja og starfsmenn þeirra fá tækifæri til að greina frá sinni hlið mála muni málareksturinn í Namibíu taka á sig aðra mynd. Fram til þessa hafa staðreyndir málsins yfirleitt verið rangfærðar eða afbakaðar. Það er auðvitað ánægjuefni að dómstóll í Namibíu hafi brugðist við þeirri aðför sem einstaklingar og fyrirtæki tengd Samherja hafa þurft að sæta á opinberum vettvangi án þess að njóta viðeigandi málsmeðferðar. Afleiðingar þess komu berlega í ljós í þinghaldinu í dag.“

spot_img
spot_img
spot_img

Innlendar Fréttir