5 C
Grindavik
18. apríl, 2021

Ekki í fyrsta skipti sem J.Lo hermir eftir Beyoncé – og öfugt

Skyldulesning

Jennifer Lopez var sökuð um að stela stílnum af Beyoncé fyrir tónlistaratriði sitt á Americans Music Awards á sunnudagskvöldið.

Klæðnaður J.Lo minnir óneitanlega á klæðnað Beyoncé í tónlistaratriði hennar á Grammy-verðlaunahátíðinni árið 2014. Mörgum þótti hár og atriðið í heild sinni, þá sérstaklega dansinn, líkjast atriði Beyoncé frá 2014. J.Lo notaði, líkt og Beyoncé, stól í sínu atriði.

Það getur að sjálfsögðu verið hreinlega um tilviljun að ræða. Samkvæmt DailyMail var atriði J.Lo innblásið af söngleiknum Chicago.

Þetta er ekki í fyrsta skipti sem J.Lo virðist fá innblástur frá Beyoncé, og öfugt. The Sun greinir frá.

Pallíettukjóll.

Árið 2005 klæddist Beyoncé rauðum pallíettukjól á tónleikum, Jennifer Lopez klæddist svipuðum kjól sjö árum síðar.

Í svipuðu pilsi.

Hér var Jennifer Lopez á undan. J.Lo klæddist pilsinu árið 1999 á Billboard Music Awards. Beyoncé klæddist svipuðu pilsi á tónleikum í Flórída árið 2004.

Thierry Mugler kjóll.

Enn og aftur var J.Lo hér innblásturinn og er þetta ekki aðeins svipaður kjóll, heldur nákvæmlega sami kjóllinn frá franska hönnuðinum Thierry Mugler.

J.Lo klæddist honum á Cannes kvikmyndahátíðina árið 1998. Beyoncé var í honum í tónlistarmyndbandi tíu árum seinna.

Sami loðfeldur.

Þær stöllurnar hafa greinilega svipaðan smekk og eiga sama loðfeldinn. J.Lo sást í honum árið 2003 og Beyoncé þremur árum seinna.

Innlendar Fréttir