Eldurinn á Seltjarnarnesi reyndist minniháttar

Slökkvilið höfuðborgarsvæðisins að störfum.

mbl.is/Eggert Jóhannesson

Tilkynning barst slökkviliðinu á höfuðborgarsvæðinu um að reyk legði úr kjallara einbýlishúss á Seljavegi á Seltjarnarnesi. Dælubílar voru sendir á vettvang að sögn varðstjóra. Hann gat ekki tjáð sig meira þar sem dælubílar voru enn á leið á vettvang.

Uppfært 13:26

Búið er að slökkva eldinn sem kom upp í þvottaaðstöðu hússins. Allt tiltækt lið var kallað út í fyrstu en síðan afturkallað þegar í ljós kom að eldurinn var minniháttar. Störf á vettvangi gengu greiðlega og unnið er að því að reykræsta.