4 C
Grindavik
7. mars, 2021

Elliot Page tilkynnir að hann sé trans – Fræga fólkið hyllir hann

Skyldulesning

Leikarinn Elliot Page tilkynnti í gær að hann væri trans og gangi nú undir nafninu Elliot Page en hann gekk áður undir nafninu Ellen Page. Óhætt er að segja að yfirlýsingu hans hafi verið vel tekið og hefur stuðningsyfirlýsingum rignt yfir hann frá öðrum listamönnum og tugum þúsunda aðdáenda.

Elliot er einna þekktastur fyrir leik sinn í kvikmyndunum Juno og Inception og Umbrella Academy þáttaröð Netflix.

Elliot birti langa færslu á Twitter í gærkvöldi þar sem hann skýrði frá þessu.

„Ég vil deila því með ykkur að ég er trans, fornöfnin mín eru hann eða þeir og nafn mitt er Elliot. Mér finnst ég vera heppinn að vera að skrifa þetta. Að vera hérna. Að hafa komist á þennan stað í lífi mínu. Ég finn fyrir miklu þakklæti í garð þess ótrúlega fólks sem hefur stutt mig á þessari ferð. Ég get ekki lýst því hversu einstök tilfinning það er að elska sjálfan mig loks nægilega mikið til að geta verið sá sem ég er,“ segir meðal annars í færslu hans.

Elliot breytti nafni sínu strax á Twitter og fékk fljótlega stuðningsyfirlýsingar frá öðrum listamönnum, til dæmis Mia Farrow og Patricia Arquette. Einnig sendu tugir þúsunda aðdáenda hans honum stuðningsyfirlýsingar.

Hann sagðist vera ánægður en ánægjan væri einnig brothætt og þrátt fyrir mikla hamingju hans í augnablikinu og þau forréttindi sem hann býr við þá sé hann einnig hræddur: „Ég er hræddur við ágengnina, hatrið, „brandarana“ og ofbeldið.“ Hann sagðist einnig ætla að gera allt sem í hans valdi stendur til að bæta kjör transfólks og gera heiminn betri fyrir það.

pic.twitter.com/kwti60bZLw

— Elliot Page (@TheElliotPage) December 1, 2020

Elliot, sem er kvæntur Emma Portner, bætti síðan við: „Ég elska að vera trans og ég elska að vera hinsegin.“

Meðal þeirra sem hylltu Elliot var Mae Martin sem sagðist vera stolt af að styðja vin sinn Elliot.

I am very proud to support my friend @TheElliotPage , and very impressed by their strength! 💜 https://t.co/fFKWiLpqGN

— Mae Martin (@TheMaeMartin) December 1, 2020

Leikarinn Kumail Nanjiani lét einnig heyra frá sér og sagðist hlakka til að fylgjast með Elliot næstu árin.

I’ve been a fan of Elliot’s for a very long time and am excited to see him continue his fantastic work in the years to come. https://t.co/2KAdiCIyi4

— Kumail Nanjiani (@kumailn) December 1, 2020

Innlendar Fréttir