5 C
Grindavik
6. maí, 2021

EM u-21: Ísland lauk keppni á Evrópumótinu með tapi gegn Frökkum

Skyldulesning

Íslenska u-21 árs landsliðið spilaði í kvöld sinn síðasta leik á Evrópumótinu gegn Frakklandi. Leiknum lauk með 2-0 sigri Frakka en leikið var í Györ í Ungverjalandi.

Íslenska liðið byrjaði af krafti og var betri aðilinn fyrstu mínúturnar en það voru hins vegar Frakkar sem komust yfir í leiknum.

Á 17. mínútu skoraði fyrirliði liðsins, Matteo Guendouzi, fyrsta mark leiksins og kom Frökkum yfir.

Þannig stóðu leikar allt þar til á 38. mínútu þegar að Odsonne Édouard, tvöfaldaði forystu Frakka.

Fleiri mörk voru ekki skoruð í leiknum og þar með lauk þátttöku Íslands á Evrópumótinu í þetta skipti. Ísland endar í neðsta sæti G-riðils án stiga, liðið skoraði 1 mark á mótinu og fékk á sig 7 mörk.

Ísland 0 – 2 Frakkland 


0-1 Matteo Guendouzi (’17)


0-2 Odsonne Édouard (’38)

spot_img
spot_img
spot_img

Innlendar Fréttir