2 C
Grindavik
15. janúar, 2021

Enginn að tala niðrandi um fólk úr 101 Reykjavík

Skyldulesning

Helgi Björnsson jöklafræðingur og Þóra Ellen Þórhallsdóttur, prófessor í grasafræði, eiga jörðina Hruna í Skaftárhreppi.
Helgi Björnsson jöklafræðingur og Þóra Ellen Þórhallsdóttur, prófessor í grasafræði, eiga jörðina Hruna í Skaftárhreppi.
Einar Árnason

Hjónin Helgi Björnsson jöklafræðingur og Þóra Ellen Þórhallsdóttur grasafræðingur eiga sitt annað heimili á jörðinni Hruna á Brunasandi, sem þau keyptu fyrir átján árum.

„Okkur hefur verið tekið afskaplega vel hérna,“ segir Helgi í þættinum Um land allt á Stöð 2, spurður um mannlífið í Skaftárhreppi.

Þóra Ellen segir sig hafa dreymt um að eignast hluta af fjalli en fengið í staðinn mjög fallegar lindir.Einar Árnason

Þau eru bæði meðal höfunda bókar um Brunasand, sem Sögufélag Vestur-Skaftfellinga gaf út fyrir fimm árum.

„Við erum bara hluti af samfélaginu, held ég,“ segir Helgi.

„Það er kannski ekki víst að öllum finnist það,“ skýtur Þóra Ellen að og hlær.

Helgi svarar að enginn sé að tala niðrandi um fólk úr 101 Reykjavík.

Hruni er við jaðar Brunahrauns. Fyrir Skaftárelda árið 1783 var þarna svartur jökulsandur og Hverfisfljót rann vestan við svæðið þar sem bærinn var byggður.Einar Árnason

Næstu nágrannar þeirra eru bændurnir á Sléttu, frændurnir Páll Elíasson og Elías Ásgeirsson, þeir einu sem enn stunda hefðbundinn búskap á Brunasandi. Elías er alinn upp í Breiðholtinu í Reykjavík og móðir hans Elín Elíasdóttir, systir Páls, flutti til baka í sveitina úr borginni fyrir nokkrum árum.

Páll Elíasson, Elías Ásgeirsson og Elín Elíasdóttir rækta sauðfé og nautgripi á bænum Sléttu. Systkinin Páll og Elín bjuggu fyrstu árin í Hruna.Einar Árnason

Bæði Slétta og Teygingalækur voru stofnuð sem nýbýli frá Hruna. Á Teygingalæk er núna rekin fiskeldisstöð.

Hér má sjá myndskeið úr þættinum:


Tengdar fréttir


Volgt vatn undan heitu hrauni Skaftárelda í áratugi eftir að gosinu lauk flýtti fyrir landnámi gróðurs á svæði sem áður var svartur jökulsandur. Þetta segir Þóra Ellen Þórhallsdóttir grasafræðingur að hljóti að vera skýringin á því hversvegna ný sveit myndaðist ótrúlega fljótt á Brunasandi.


Skaftáreldum og Móðuharðindunum sem þeim fylgdu hefur verið lýst sem mestu hörmungum Íslandssögunnar. Talið er að fimmtungur þjóðarinnar hafi látist og 75 prósent af bústofni landsmanna fallið af völdum eldgossins í Lakagígum árin 1783-1784.


Orustuhóll er áberandi kennileiti í Skaftárhreppi sem blasir við frá hringveginum skammt austan við bæjahverfið Foss á Síðu. Brunahraun, en svo nefnist hraun Skaftárelda á þessum slóðum, umlykur hólinn á alla kanta.


Hreiðar Hermannsson, eigandi Stracta Hótels á Hellu, er ekki aðeins að reisa hótel á eyðijörðinni Orustustöðum austan Kirkjubæjarklausturs. Hann er jafnframt að byggja einbýlishús þar sem hann hyggst eiga lögheimili.


Á jörðinni Hraunbóli á Brunasandi hafa hjónin Þuríður Helga Benediktsdóttir, atvinnumálafulltrúi Skaftárhrepps, og Birgir Teitsson arkitekt reist nýtt íbúðarhús í jaðri Brunahrauns, en svo kallast þessi álma hraunsins sem rann í Skaftáreldum árin 1783 til 1784.




Fleiri fréttir

Sjá meira

Innlendar Fréttir