4 C
Grindavik
1. mars, 2021

Enginn frá Kiel í HM-hópnum sem Alfreð valdi

Skyldulesning

Handbolti

Alfreð Gíslason var ráðinn þjálfari þýska landsliðsins í febrúar.
Alfreð Gíslason var ráðinn þjálfari þýska landsliðsins í febrúar.
getty/Bernd Thissen

Alfreð Gíslason hefur valið tuttugu manna hóp þýska handboltalandsliðsins fyrir HM í Egyptalandi í næsta mánuði.

Athygli vekur að enginn leikmaður úr Kiel, liðinu sem Alfreð þjálfaði um ellefu ára skeið, er í þýska HM-hópnum.

Hendrik Pekeler, Patrick Wiencek og Steffen Weinhold gáfu ekki kost á sér og þá hlutu Rune Dahmke og Dario Quenstedt ekki náð fyrir augum Alfreðs.

Þetta er í fyrsta sinn síðan á HM 2001 sem enginn leikmaður Kiel er í þýska landsliðsins á stórmóti eins og danski handboltasérfræðingurinn Rasmus Boysen hefur bent á.

The German squad for the World Championship in January is selected.

– For the first time in a championship since the World Championship 2001 the German squad is without THW Kiel players

Despite the fact that several players are out it s still a very decent team in my opinion pic.twitter.com/svtyA5LpnL

— Rasmus Boysen (@RasmusBoysen92) December 21, 2020

Alfreð er með þrjá markverði í hópnum, hina þrautreyndu Johannes Bitter og Silvio Heinervetter, og Andreas Wolff. Þýska hópinn má sjá hér fyrir neðan.

Þýskaland er með Ungverjalandi, Úrúgvæ og Grænhöfðaeyjum í riðli á HM. Þrjú efstu liðin komast áfram í milliriðla.

Þjóðverjar enduðu í 4. sæti á síðasta heimsmeistaramóti (2019) sem var haldið í Þýskalandi og Danmörku.

Alfreð er einn fjögurra íslenskra þjálfara á HM. Guðmundur Guðmundsson stýrir Íslandi, Halldór Sigfússon Barein og Dagur Sigurðsson Japan.

Innlendar Fréttir