5 C
Grindavik
12. maí, 2021

Enn ein bullugrein frá Bensa

Skyldulesning

„Fyr­ir nokkr­um dög­um heyrði ég í góðkunn­ingja mín­um, ágæt­um unn­anda einkafram­taks­ins, sem ég hugsa að kjósi enn Sjálf­stæðis­flokk­inn af göml­um vana. Hann sagði: „Eig­in­lega gætu stjórn­ar­flokk­arn­ir þrír sam­ein­ast, þeir eru sam­mála um nán­ast allt sem máli skipt­ir.“ „Bragð er að “, hugsaði ég, og þá bætti hann við: „Und­ir for­ystu Miðflokks­ins.“

Þetta er auðvitað hár­rétt. Þess­ir fjór­ir flokk­ar eru sam­mála um stöðnun og helst aft­ur­hald í ís­lensku þjóðlífi. Nú hafa for­ingj­ar stjórn­ar­flokk­anna líka lýst því yfir að þeir stefni að áfram­hald­andi kyrr­stöðu sam­an næsta kjör­tíma­bil.

Þegar Viðreisn var að stíga sín fyrstu skref birt­um við Viðreisnar­prófið. Marg­ir kvörtuðu und­an því að það væri nán­ast óhjá­kvæmi­legt að fá hátt skor. Það gleymd­ist að breyt­ing­ar verða ekki af sjálfu sér og alls ekki með því að kjósa flokka sem eru haldn­ir fortíðarþrá. Rík­is­stjórn­ar­flokk­arn­ir kol­falla nefni­lega á þessu ein­falda prófi, fengju lík­lega núll.

Rifj­um upp nokkr­ar spurn­ing­ar:

1. Vilt þú að sjáv­ar­út­veg­ur­inn greiði markaðstengt auðlinda­gjald? Rík­is­stjórn­in seg­ir: Nei! Nei! Nei! Ef vin­ir henn­ar eiga að borga eitt­hvað mála­mynda­auðlinda­gjald þá ákveður hún það sjálf. Flokk­arn­ir vilja ekki sjá markaðsteng­ingu. Þeir ætla líka að festa nú­ver­andi órétt­læti í stjórn­ar­skrá.

2. Vilt þú al­manna­hags­muni um­fram sér­hags­muni? Hinir þjóðlegu at­vinnu­veg­ir, banka­rekst­ur og lokað kvóta­kerfi, njóta vel­vild­ar stjórn­ar­flokk­anna, sem vilja ekki markaðstengja auðlinda­gjald og viðhalda gjald­miðli sem dreg­ur úr er­lend­um fyr­ir­tækj­um að koma til lands­ins. Þeir segja nei .

3. Vilt þú að kosn­inga­rétt­ur verði jafn, óháður bú­setu? Stjórn­ar­flokk­arn­ir segja nei . Þeir vilja ekki breyta stjórn­ar­skránni í þessa átt og hafa ekki gert þrátt fyr­ir fjöl­mörg tæki­færi.

4. Vilt þú vest­ræna sam­vinnu og sterk­ari tengsl við Evr­ópuþjóðir? Stjórn­ar­flokk­arn­ir hafa ít­rekað sagt að þeir vilji ekki nán­ari tengsl við Evr­ópu­sam­bandið. Þeir vilja halda í krón­una sem þeir segja að hafi reynst okk­ur vel með sín­um sveifl­um og ófyr­ir­sjá­an­leika. Þannig koma þeir í veg fyr­ir er­lenda sam­keppni í banka­kerf­inu. Þeir segja nei .

5. Vilt þú markaðslausn­ir og að neyt­end­ur hafi val á öll­um sviðum, þar með talið í land­búnaði? Ráðherr­ar stjórn­ar­flokk­anna vilja loka á er­lenda sam­keppni í land­búnaði. Þeir segja nei und­ir því yf­ir­skini að þeir styðji bænd­ur, en vilja í raun bara úr­elt kerfi (það má engu breyta).

6. Vilt þú að jafn­rétti kynja verði tryggt á öll­um sviðum? Op­in­bera svarið er já, en raun­in er nei . Aldrei fyrr hef­ur ríkið farið í mál við konu sem leyfði sér að sækja sinn rétt.

Viðreisn berst fyr­ir breyt­ing­um. Við erum ánægð hve marg­ir skora hátt á próf­inu okk­ar. En það ger­ist ekk­ert með því að kjósa aft­ur­halds­flokk­ana“

Ef það er ekki afturhald að koma Íslandi aftur undir erlent vald, eins og var fyrir 1944 þá er það vandskilið.

Ef vestræn samvinna byggist á samstarfi við Evrópuþjóðir en ekki hin máttugu Bandaríki þá er það alger heimska þess sem slíkt mælir.

Ísland er ekki með lokað á landbúnaðarvörur, hér úir og grúir af vörum allstaðar að +úr heiminum. Við ræktum sjálfsagt kindur umfram þarfir en fátt annað.Íslenskur landbúnaður gegnir fjölþættu hlutverki við að tryggja skýjaglópum fæðuöryggi ´´i háskalegum heimi.Raforkan okkar á að vera fyrir okkur en ekki sæstrengi eins og Viðreisn vill.

Ísland vill ekki gangast undir herskyldu eins og Viðreisn vill með inngöngu í ESB og Evrópuherinn.

Samfylkingin og Viðreisn eru landsölu-og afturhaldsflokkar til erlends yfirvalds  sem enginn frjálsborinn Íslendingur ætti að vera þekktur fyrir að kjósa.

Bullugreinar frá Bensa Zoëga eiga að lesast með þeim gleraugum.

Fyrri fréttFARS
Næsta fréttGosórói
spot_img
spot_img
spot_img

Innlendar Fréttir