0 C
Grindavik
23. nóvember, 2020

Enn eykst bókaútgáfa

Skyldulesning

Forsíða Bókatíðinda í ár prýðir mynd eftir Halldór Baldursson og …

Forsíða Bókatíðinda í ár prýðir mynd eftir Halldór Baldursson og Ámunda Sigurðsson.

Mynd/Bókatíðindi

Bókaútgáfa á Íslandi er í sókn ef marka má fjölda titla í Bókatíðindum þetta árið. Þar er heildarfjöldi skráðra titla, þ.e. prentaðar bækur, hljóð- og rafbækur 861 sem er fjölgun frá því í fyrra sem þó var metár í útgáfu. Þetta kemur fram á vef Stjórnarráðsins.

„Vísbendingar eru þó um að úrval efnis fyrir yngri lesendur haldi áfram að aukast en þegar horft er til flokka þeirra bóka (myndskreyttar bækur, skáldverk og fræðibækur fyrir börn og ungmennabækur) koma út alls 295 slíkir titlar í ár. Þar munar mest um fjölgun myndskreyttra barnabóka en þeim fjölgar um 75% milli ára,“ segir í tilkynningu frá mennta- og menningarmálaráðuneytinu.

Þróun útgáfu bara- og ungmennabóka 2017-2020 eftir flokkum.

Þróun útgáfu bara- og ungmennabóka 2017-2020 eftir flokkum.

Mynd/mennta- og menningarmálaráðuneytið

Þá segir að athuga þurfi að Bókatíðindi eru ekki tæmandi yfirlit um íslenska útgáfu þar sem ekki eru allar bækur skráðar þar.

Endurgreiðsla vegna bókaútgáfu yfir 400 milljónir

Endurgreiðslur vegna bókaútgáfu hófust í fyrra. Árið 2019 voru greiddar tæpar 78 milljónir vegna 266 umsókna. Það sem af er þessu ári hafa verið greiddar út rúmar 340 milljónir vegna 709 umsókna.

Innlendar Fréttir