2.3 C
Grindavik
29. janúar, 2023

Enska knattspyrnusambandið vinnur með breskum stjórnvöldum í að selja miða á undanúrslitaleik

Skyldulesning

Enska knattspyrnusambandið vinnur nú að því að selja miða á undanúrslitaleik Chelsea og Crystal Palace í enska bikarnum í samráði við bresk stjórnvöld.

Þetta kemur í kjölfar refsiaðgerða á hendur Roman Abramovich, eiganda Chelsea, sem gerir það að verkum að félagið getur ekki selt miða á heimaleiki liðsins og aðeins ársmiðahafar geta mætt á völlinn.

Undanúrslitaleikurinn verður haldinn á Wembley í næsta mánuði. Enska knattspyrnusambandið vonast til að leyfa stuðningsmönnum Chelsea að mæta á völlinn og styðja sína menn.

Við vonumst til að hafa fullt hús á báðum undanúrslitaleikjunum á Wembley,“ sagði talsmaður enska knattspyrnusambandsins.

Það felur í sér sölu á miðum til stuðningsmanna Chelsea fyrir leik þeirra gegn Crystal Palace, og við erum að vinna með stjórnvöldum í að ná þessu fram og jafnframt bera virðingu fyrir þeim refsiaðgerðum sem eru í gildi.“

Rússneski milljarðamæringurinn Roman Abramovich er talinn hafa tengsl við Rússlandsforseta Vladimír Pútín.

spot_img
spot_img
spot_img

Innlendar Fréttir