1 C
Grindavik
17. janúar, 2021

EQV og eVito Tourer frumsýndir í sýndarsal Öskju

Skyldulesning


Kristinn Ásgeir Gylfason skrifar

Bílaumboðið Askja frumsýndi í gær tvo nýjustu rafbíla Mercedes-Benz, EQV og eVito Tourer. EQV og eVito eru 100% rafmagnaðir fjölnotabílar. Um er að ræða nýja valmöguleika í rafmögnuðum samgöngum en bílanir henta vel fyrir akstur með minni hópa eða allt að níu manns.

Bílarnir voru frumsýndir í nýjum sýndarsal Mercedes-Benz á vefsíðunni syndarsalur.is. Báðir þessir bílar er góður kostur sem atvinnubíll, sem fágaður fjölskyldubíll eða vel útbúinn fjölnotabíll fyrir ólík verkefni í tengslum við vinnuna eða til einkanota.

Mercedes-Benz Vito Tourer

Bílarnir koma í tveimur lengdum með sæti fyrir allt að níu manns og góðu plássi fyrir farangur. Bílarnir státa af miklu innanrými en rafgeymastæðan er undir gólfi bílsins og gengur því ekki á innanrýmið. Í lengstu útfærslu er farangursrýmið allt að 1.410 l. Rafdrægni EQV er 356 km og eVito Tourer er 361 km á fullri hleðslu. Það tekur einungis um 45 mínútur að hlaða frá 10% upp í 80% hleðslu í hraðhleðslustöð.

EQV og eVito eru góðir í akstri og að sjálfsögðu með öllum þeim þæginda- og öryggisbúnaði sem einkennir Mercedes-Benz. Fjöldi tengiltvinnbíla og rafdrifinna fólksbíla frá Mercedes-Benz er þegar á boðstólnum og nú bætast í hópinn þessir tveir hreinu rafbílar sem eru mjög góð viðbót við úrvalið.

„Við hjá Öskju höfum hannað þennan nýja sýndarsal í samstarfi við Daimler, eiganda Mercedes-Benz. Við hlökkum mikið til að sýna þessa tvo nýju og spennandi bíla og leyfa viðskiptavinum okkar að njóta upplifunarinnar á þessum nýja vettvangi,“ segir Arna Rut Hjartardóttir, forstöðumaður markaðs- og kynningarmála Öskju.

Innlendar Fréttir