10.3 C
Grindavik
29. september, 2022

„Evrópubúar, vaknið!“ – „Ef það verður sprenging þá er það endirinn fyrir okkur öll, endalok Evrópu“

Skyldulesning

Volodymyr Zelenskyy, Úkraínuforseti, birti myndband á samfélagsmiðlum í nótt í kjölfar árásar rússneskra hersveita á Zaporizhzhia kjarnorkuverið, sem er stærsta kjarnorkuver Evrópu, og óskaði eftir tafarlausri hjálp.

Eldur kom upp við kjarnorkuverið í nótt eftir skothríð rússneskra hersveita. Þær meinuðu síðan slökkviliði í fyrstu að slökkva eldinn en heimiluðu það síðan og hefur hann nú verið slökktur. Alþjóðakjarnorkumálastofnunin segir að geislun sé eðlileg við kjarnorkuverið.

„Evrópubúar, vaknið! Segið stjórnmálamönnunum ykkar að rússneskar hersveitir skjóti á kjarnorkuverið Zaporizhzhia,“ segir forsetinn í myndbandinu.

Hann segir einnig að skotið hafi verið á það úr skriðdrekum sem eru búnir hitaleitandi myndavélum. „Þeir vita því hvað þeir eru að skjóta á. Þeir höfðu skipulagt þetta,“ segir hann.

„Ef það verður sprenging þá er það endirinn fyrir okkur öll, endalok Evrópu. Aðeins skjót viðbrögð Evrópu geta stöðvað rússneskar hersveitir og komið í veg fyrir dauða Evrópu vegna hörmunga í kjarnorkuveri,“ segir hann einnig í myndbandinu að sögn erlendra fjölmiðla.

Bardagar liggja nú niðri við kjarnorkuverið og úkraínsk yfirvöld segja að ástandið við verið sé öruggt eins og er.

Bandarísk yfirvöld hafa virkjað kjarnorkuviðbragðsteymi sín og fylgjast náið með framvindu mála við kjarnorkuverið.

spot_img
spot_img
spot_img

Innlendar Fréttir