2.3 C
Grindavik
27. janúar, 2023

Evrópudeildin: Erfið fæðing hjá Rangers er liðið fór áfram eftir framlengingu

Skyldulesning

Skotlandsmeistarar Rangers eru síðasta liðið í undanúrslit Evrópudeildarinnar eftir sigur á Sporting Braga eftir framlengingu í kvöld. Fyrri leik liðanna í síðustu viku lauk með 1-0 sigri Braga og því verk að vinna fyrir Rangers.

Rangers leiddi 2-0 í hálfleik eftir tvö mörk frá James Tavernier en seinna markið kom úr vítaspyrnu eftir að David Tormena var rekinn af velli í liði Braga.

Þrátt fyrir að vera manni færri tókst Braga að knýja fram framlengingu þegar David Carmo skoraði með skalla úr hornspyrnu á 83. mínútu, og staðan 2-2 samanlagt.

Kemar Roofe kom Rangers yfir á 101. mínútu í framlengingunni og fjórum mínútum síðar fékk Iuri Medeiros að líta tvö gul spjöld og þar með rautt og gestirnir orðnir tveimur mönnum færri. Fleiri urðu mörkin ekki og Rangers fer áfram 3-2 samanlagt.

Skoska liðið mætir RB Leipzig í undanúrslitum.

spot_img
spot_img
spot_img

Innlendar Fréttir