5 C
Grindavik
8. maí, 2021

Fá nýjan Baldvin í Garðinn í árslok

Skyldulesning

Í Vigo á Spáni. Brúin var hífð á nýjan Baldvin Njálsson GK 400 í vikunni og er áformað að skipið verði tilbúið eftir átta mánuði.

Ljósmynd/Willum Andersen

Unnið er af fullum krafti við Baldvin Njálsson GK, nýjan flakafrystitogara Nesfisks ehf. í Garði, í Armon-skipasmíðastöðinni í Vigo á Spáni. Útlit er fyrir að áform um að skipið verði afhent fyrir árslok standist og hefur kórónufaraldurinn ekki enn sem komið er tafið smíðina.

Samið var um smíði skipsins haustið 2019 og var skipið sjósett hjá Armon fyrir viku og í vikunni var brúin hífð á skipið og spilin um borð. Fyrirtækið Skipasýn í Reykjavík hannar skipið og segir Sævar Birgisson framkvæmdastjóri að síðustu daga hafi búnaði á millidekk verið „sópað“ um borð og síðan taki hvert verkefnið við af öðru um borð í skipinu næstu mánuði. Mikil reynsla sé hjá Armon og stöðin afhendi nokkur skip árlega.

Skipið verður allt hið fullkomnasta, rúmlega 66 metrar að lengd og 16 metrar á breidd. Aðgerðar- og flökunarbúnaður og færibönd er meðal þess sem kemur frá fyrirtækinu Klaka í Kópavogi, sjálfvirkur búnaður til frystingar, pökkunar og flutnings niður í lest og vöruhótel kemur frá norska fyrirtækinu Optimar og frystivélar frá spænsku fyrirtæki, að því er fram kemur í Morgunblaðinu í dag.

spot_img
spot_img
spot_img

Innlendar Fréttir