1 C
Grindavik
28. nóvember, 2020

Faðir Gauta lést í hópsýkingunni á Landakoti – Synir Kristmanns fengu ekki tækifæri til að kveðja hann

Skyldulesning

Gauti Kristmannsson prófessor segir það hlægilega staðhæfingu að Ísland státi af besta heilbrigðiskerfi í heimi. Gauti bjó átta ár í Þýskalandi og má skilja á honum að samanburðurinn á heilbrigðiskerfinu þar í landi og á Íslandi sé Íslandi mjög í óhag. Faðir Gauta, Kristmann Eiðsson, lést vegna COVID-hópsýkingarinnar á Landaskoti í haust. Kristmann var landsþekktur sjónvarpsþýðandi en hann var 84 ára að aldri er hann lést.

Sjá einnig: Lést af COVID-19

Gauti er í viðtali í þættinum 21 á Hringbraut í kvöld.

Gauti segir föður sinn hafa kvatt það fljótt, að­eins 30 tímum eftir að hann greindist smitaður, að synir hans fjórir hafi ekki haft tæki­færi til að kveðja hann á spítalanum. Hann ber starfs­fólki Landa­kots góða sögu, en það hafi veitt þeim tæki­færi til að kveðja Kristmann á Landa­koti fyrir kistu­lagninguna, sem hafi reynst þeim afar mikil­vægt, því í sjálfri kistu­lagningunni hafi verið búið að loka kistunni sakir að­stæðna.

Gauti er gáttaður á því við hvaða að­stæður starfs­fólk heil­brigðis­kerfisins hér á landi starfi. Skortur á mann­skap, að­búnaði, tækjum, við­haldi og upp­byggingu hafi staðið þessari lykil­þjónustu fyrir þrifum svo ára­tugum skipti; lang­varandi myglu­skemmdir og lé­leg eða engin loft­ræsting sé jafn­vel látin á­tölu­laust – og hann vill meina að kerfis­lægt fjár­sveltið í þessum geira megi rekja til stjórn­málanna sem séu sér­lega svifa­sein þegar að þessum lífs­nauð­syn­lega mála­flokki komi.

„Krafan er niður­skurður á niður­skurð ofan – og helst sú að lækka skatta enn frekar svo minna verði til sam­neyslunnar – og það þvert á marg­í­trekaðan vilja þjóðarinnar eins og endur­tekið hefur komið fram í skoðana­könnunum á síðustu árum.“

Innlendar Fréttir