8 C
Grindavik
15. apríl, 2021

Færð gæti spillst síðdegis

Skyldulesning

Ferðamenn ættu að huga að spám áður en lagt er …

Ferðamenn ættu að huga að spám áður en lagt er í hann austan til á landinu.

mbl.is/Steinunn Ásmundsdóttir

Hægt vaxandi norðaustlæg átt og fer að snjóa austanlands upp úr hádegi og síðar einnig norðvestan til. Rigning syðst á landinu en annars úrkomulítið. Færð getur spillst á fjallvegum á Austfjörðum í dag og ferðamenn ættu því að kynna sér vel veður og færð áður en lagt er í hann, að því er segir í hugleiðingum veðurfræðings á Veðurstofu Íslands.

Hlýnar smám saman í veðri og fer að rigna við norður- og austurströndina í kvöld. Á morgun er spáð ákveðinni austanátt á landinu og rigningu eða slyddu með köflum í flestum landshlutum en allhvöss eða hvöss norðaustanátt á Vestfjörðum og fremur milt veður. Áframhaldandi mildar austanáttir dagana á eftir og væta með köflum, einkum þó suðaustanlands.

Veðurhorfur næstu daga

Suðaustlæg átt, 8-15 m/s og dálítil slydda eða snjókoma með köflum SV-til, rigning við ströndina, en hægara og yfirleitt bjartviðri norðan og austan til. Frost yfirleitt 0 til 10 stig, kaldast í innsveitum NA-lands, en frostlaust við S-ströndina.

Gengur í norðaustan 10-18 m/s upp úr hádegi, hvassast NV-lands og fer að snjóa á A-verðu landinu, síðar einnig á NV-landi, en rigning eða slydda við sjávarsíðuna um kvöldið. Úrkomulaust að kalla í öðrum landshlutum. Hiti víða 0 til 6 stig í dag, en vægt frost inn til landsins.

Austlæg átt, 8-15 m/s og rigning eða slydda með köflum á morgun, en norðaustan 13-20 á Vestfjörðum, hvassast á annesjum. Hiti 1 til 7 stig, hlýjast syðst.

Á fimmtudag:

Austlæg átt, 8-15 m/s og rigning eða slydda með köflum en norðaustan 13-20 og snjókoma NV-til fram á kvöld. Hiti 0 til 7 stig, hlýjast syðst.

Á föstudag, laugardag, sunnudag, mánudag og þriðjudag:

Ákveðin austlæg átt og rigning með köflum SA-til en dálitlar skúrir eða slydduél í öðrum landshlutum. Hiti 2 til 7 stig.

Innlendar Fréttir