5.3 C
Grindavik
24. september, 2021

Fagnar frumvarpi Páls með fyrirvara

Skyldulesning

Albertína Friðbjörg Elíasdóttir, þingmaður Samfylkingarinnar og varaformaður atvinnuveganefndar, lítur frumvarpi Páls Magnússonar um aflahlutdeildir jákvæðum augum.

mbl.is/Eggert Jóhannesson

„Við fögnum þessu,“ segir Albertína Friðbjörg Elíasdóttir, þingmaður Samfylkingarinnar og varaformaður atvinnuveganefndar, í samtali við 200 mílur um frumvarp Páls Magnússonar, þingmanns Sjálfstæðisflokksins, um að koma á strangari ákvæði um eignarhalda útgerðarfyirtækja í öðrum útgerðarfyrirtækjum.

„Það er alveg ljóst að það að fáum aðilum sé gert kleift að fara með stóran hluta auðlindarinnar gengur gegn almannahagsmunum,“ segir Albertína.

Hún telur flokk hennar líklegan til að beita sér fyrir því að frumvarpið fái þinglega meðferð en þó með þeim fyrirvara að frumvarpið sé með sama hætti og Páll lýsir því í Morgunblaðinu í dag, en frumvarpinu hefur enn ekki verið dreift.

Þá bendir hún á að Samfylkingin hafi þegar bent á ágalla við gildandi löggjöf hvað varðar skilgreiningu á tengdum aðilum. Vísar hún máli sínu til stuðnings á fyrirvara Oddnýjar G. Harðardóttur, þingmanns Samfylkingarinnar, í skýrslu verkefnastjórnar um bætt eftirlit með fiskveiðiauðlindinni.

Þá sagði Oddný ljóst að gildandi fyrrikomulag geri einum aðila kleift að eiga 12% aflaheimilda og á sama tíma átt rétt innan við helming í þeim fyrirtækjum sem fara með hin 88 prósentin. Sagði hún þetta heimila einum aðila að eignast ígildi meirihluta aflaheimilda á Íslandi og lagði hún til að sett yrði þak á eignarhald kvótahafa í öðrum fyrirtækjum með kvóta og skyldi þakið vera 25%.

spot_img
spot_img
spot_img

Innlendar Fréttir