10.2 C
Grindavik
24. júní, 2021

Ferð Gary Martin til Tene breyttist í martröð

Skyldulesning

Fótbolti


Ísak Hallmundarson skrifar

Gary Martin sætir einangrun næstu tíu daga úti á Tenerife.
Gary Martin sætir einangrun næstu tíu daga úti á Tenerife.
vísir

Gary Martin ætlaði að fara í afslöppun og æfingaferð til Tenerife, en sú ferð átti heldur betur eftir að breytast í martröð. Gary ferðaðist með Troy Williamsson vini sínum, sem greinir frá þessu á Instagram-síðu sinni.

Troy segir þá félaga hafa ætlað að fara til Tene og æfa sig, þar sem ódýrt flug og gisting voru í boði. Nokkrum dögum seinna hafi þeir þurft að breyta um flug, sem hafi kostað skildinginn og þá voru þeir skikkaðir í skimun fyrir kórónuveirunni við komuna til eyjunnar. 

Gary Martin greindist jákvæður fyrir veirunni en Troy vinur hans reyndist ekki vera með veiruna. Fyrir vikið eru þeir félagar fastir í einangrun í íbúðinni sem þeir leigðu næstu tíu daga. Þar eru þeir lokaðir af, öryggisborði er fyrir hurðinni að íbúðinni og öryggisvörður röltir fram hjá á tveggja tíma fresti.  

Troy segir að þeir félagar neyðist til þess að bóka fleiri nætur í íbúðinni og breyta fluginu heim til sín, og það kosti þá fúlgur fjár.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir