6.3 C
Grindavik
26. september, 2021

Ferðamennirnir snúa aftur í apríl

Skyldulesning

Ferðamenn við Strokk.

Samtök ferðaþjónustunnar hafa endurskoðað áætlanir fyrir næsta ferðasumar í tilefni af árangri við þróun bóluefna gegn veirunni. Spá samtökin nú bata frá og með öðrum ársfjórðungi á komandi ári.

Samkvæmt spánni fara erlendir ferðamenn að koma til landsins í apríl þegar ferðalög hefjast á ný. Gangi spáin eftir mun ferðamönnum fjölga eftir því sem líður á næsta ár. Þeir verði þannig orðnir um 100 þúsund í desember árið 2021, eða um 80% af fjöldanum í desember 2019.

Í umfjöllun um þetta mál í Morgunblaðinu í dag áætlar Vilborg Helga Júlíusdóttir, hagfræðingur SAF, að hingað komi 780 þúsund erlendir ferðamenn á næsta ári, borið saman við tæplega tvær milljónir árið 2019.

Kristófer Oliversson, formaður Fyrirtækja í hótel- og gistiþjónustu (FHG), segir áhugann á Íslandsferðum hafa aukist markvert eftir að greint var frá árangri við þróun bóluefna gegn kórónuveirunni. Nú séu bókanir fyrir næsta sumar 20-30% af því sem gerist í eðlilegu árferði á þessum tíma ársins.

spot_img
spot_img
spot_img

Innlendar Fréttir