6.3 C
Grindavik
26. október, 2021

Fernandes fórnaði möguleikanum á þrennu og leyfði Rashford að taka víti

Skyldulesning

Áfall fyrir United

Salah með háar kröfur

Walter Smith látinn

Lið án liðsheildar

Fótbolti

Bruno Fernandes og Marcus Rashford fagna.
Bruno Fernandes og Marcus Rashford fagna.
getty/Ash Donelon

Athygli vakti að Bruno Fernandes leyfði Marcus Rashford að taka vítaspyrnuna sem Manchester United fékk í fyrri hálfleik í 4-1 sigrinum á Istanbul Basaksehir í Meistaradeild Evrópu í gær.

Staðan var þá 2-0 og Fernandes búinn að skora bæði mörk United. Hann átti möguleika á að skora sitt þriðja mark úr vítinu en leyfði Rashford þess í stað að taka það.

„Auðvitað vilja allir skora þrennu en eftir síðasta leik í ensku úrvalsdeildinni sagði ég Rashford að hann mætti taka næsta víti,“ sagði Fernandes eftir leikinn á Old Trafford í gær.

„Hann er líka einn af markahæstu leikmönnum í Meistaradeildinni svo það er mikilvægt fyrir hann fá sjálfstraust. Það skiptir ekki máli hver tekur vítin svo framarlega sem við skorum.“

Fernandes skoraði úr víti í 1-0 sigri United á West Brom á laugardaginn. Sam Johnstone, markvörður West Brom, varði fyrst frá Fernandes en endurtaka þurfti spyrnuna þar sem hann var kominn út af marklínunni. Fernandes skoraði svo úr seinna vítinu.

Rashford hefur skorað fimm mörk í Meistaradeildinni í vetur og er næstmarkahæstur í keppninni á eftir Erling Håland, leikmanni Borussia Dortmund, sem hefur skorað sex mörk.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir