5.4 C
Grindavik
18. maí, 2021

Fimm í einangrun á Austurlandi

Skyldulesning

Fjórir af fimm komu með Norrænu.

Fjórir af fimm komu með Norrænu.

mbl.is/Pétur Kristjánsson

Fimm eru nú í einangrun á Austurlandi vegna landamærasmits, þar af fjórir er komu í tuttugu og fimm manna hópi með Norrænu á þriðjudag og einn sem er nýkominn til landsins gegnum Keflavíkurflugvöll.

Þetta kemur fram í tilkynningu frá aðgerðastjórn á Austurlandi.

Fimm greindust upphaflega smitaðir við komu Norrænu á þriðjudag. Einn þeirra reyndist með gamalt smit og því ekki lengur í einangrun og ekki inni í Covid-tölum fjórðungsins.

Einn greindist í gær í sýnatöku fimm dögum eftir komu til landsins með flugi. Hann var í sóttkví og því ekki ástæða talin ástæða til að óttast dreifingu smits frá viðkomandi út í samfélagið. Smitin eru því enn fimm, allt landamærasmit.

Aðrir þeirra er komu með tuttugu og fimm manna hópi Norrænu á þriðjudag eru í sóttkví þar til þeir fara í seinni sýnatöku.

Sóttvarnayfirvöld mátu í dag ástandið á landinu stöðugt og jafnvel batnandi. Með markvissum persónubundnum vörnum og vonandi fækkun smita í kjölfarið styttum við tímann þar til hægt verður að rýmka sóttvarnareglur aftur.

„Með vonina að vopni og stóran skammt af gleði förum við létt í gegnum þetta saman,“ segir í lok tilkynningarinnar.

spot_img
spot_img
spot_img

Innlendar Fréttir