8 C
Grindavik
22. apríl, 2021

Fjölga liðum í Damallsvenskan

Skyldulesning

Fótbolti


Arnar Geir Halldórsson skrifar

Úr einum af fjölmörgum einvígum Íslendingaliða í Damallsvenskan
Úr einum af fjölmörgum einvígum Íslendingaliða í Damallsvenskan
vísir/Getty

14 liða úrvalsdeild í sænska kvennaboltanum árið 2022.

Sænska knattspyrnusambandið hefur staðfest ákvörðun sína um að fjölga liðum í efstu deild sænska kvennaboltans frá og með árinu 2022 úr tólf og upp í fjórtán.

Það þýðir að aðeins eitt lið mun falla úr efstu deild á næstu leiktíð og þrjú liðu munu komast upp úr Elitettan, næstefstu deildinni í Svíþjóð.

Sænska deildin er sú langsterkasta á Norðurlöndunum og er á meðal bestu deilda Evrópu.

Íslenskar knattspyrnukonur hafa verið áberandi í sænsku úrvalsdeildinni á undanförnum árum og á nýafstaðinni leiktíð var það hin íslenska Elísabet Gunnarsdóttir sem var valin þjálfari ársins eftir að hafa stýrt Íslendingaliði Kristianstad í 3.sæti deildarinnar.

Þá var Glódís Perla Viggósdóttir, sem leikur með stórliði Rosengard, tilnefnd sem besti varnarmaður ársins en hún hefur verið einn allra besti leikmaður deildarinnar undanfarin ár.

spot_img
spot_img
spot_img

Innlendar Fréttir