5 C
Grindavik
6. maí, 2021

Fjölgun hnúfubaks um allan heim

Skyldulesning

Eftir miklar veiðar síðustu aldir hafa stofnar hnúfubaks braggast á síðustu áratugum. Á myndinni er hnúfubakur á ferð út af Hauganesi við Eyjafjörð.

mbl.is/Sigurður Ægisson

Hnúfubak hefur fjölgað mjög um allan heim síðustu áratugi og lætur nærri að fjölgunin hafi oft verið um 10% á ári síðustu 20-30 árin.

Áætlað er að fjöldi fullorðinna hnúfubaka í heimshöfunum sé nú um 84 þúsund dýr, en heildarfjöldinn gæti hafa verið vel innan við tíu þúsund dýr fyrir um 50 árum í kjölfar mikilla veiða á 18.-20. öld. Fjölgun hnúfubaks er einstök miðað við aðrar tegundir stærri hvala þó svo að margar þeirra hafi einnig tekið við sér á síðustu árum, að því er fram kemur í umfjöllun um vöxt hnúfuksstofnsins í Morgunblaðinu í dag.

Sem dæmi um miklar veiðar á hnúfubak má nefna að talið er að meira en 150 þúsund hnúfubakar hafi verið veiddir á suðurhveli jarðar á 20. öld, en friðun tók gildi þar 1963. Þá er talið að 28 þúsund hnúfubakar hafi verið veiddir frá norsku landstöðvunum á Vestfjörðum og Austfjörðum 1889-1915. Hér við land er talið að stofn hnúfubaks hafi talið nokkur hundruð dýr þegar stofninn var hvað minnstur um 1920, en nú eru dýrin hér við land talin vera um eða yfir 10 þúsund. Tegundin var friðuð hér við land árið 1955, en veiðar höfðu þá verið mjög litlar eftir 1915.

spot_img
spot_img
spot_img

Innlendar Fréttir