8 C
Grindavik
22. apríl, 2021

Fjölskylduhjálp svarar fyrir ásakanirnar – „Staðreyndavillur“ og „rangfærslur“

Skyldulesning

Mikið hefur verið fjallað um Fjölskylduhjálp Íslands undanfarna daga, eftir að ásakanir um mismunun fóru að gera vart við sig. Samtökin voru ásökuð um að mismuna fólki af erlendum uppruna og gáfu Samtök kvenna af erlendum uppruna frá sér yfirlýsingu vegna málsins, en þar var hvatt til þess að Reykjavíkurborg myndi gera Fjölskylduhjálpina ábyrga.

Sjá einnig: Fjölskylduhjálpin sökuð um mismunun – Bæjarfulltrúi fékk styrk sinn til samtakanna endurgreiddan


Nú hefur Fjölskylduhjálp svarað þessum ásökunum. Á heimasíðu samtakanna er því haldið fram að um sé að ræða „staðreyndavillur“ og „rangfærslur“, sem tengist ekki Fjölskylduhjálp Íslands.

Þá er bent á skífurit sem sýni að 58% fólks sem sæki sér aðstoð Fjölskylduhjálpar sé fólk með erlent ríkisfang. Þá segir að stefna samtakanna sé að mismuna ekki, hvort sem það sé út frá kyni, þjóðerni, húðlit eða trúarskoðunum.

„Vegna þeirra staðreyndavilla sem fjölmiðlar birta og hafa eftir aðilum sem tengjast starfi Fjölskylduhjálpar Íslands ekki að neinu leiti, þykir okkur það vera okkar skylda að birta hér skífurit unnið upp úr tölum yfir úthlutanir Fjölskylduhjálparinnar síðastliðið ár. Appelsínugulur sýnir fólk með íslenskt ríkisfang (þar með talið fólk af erlendum uppruna), aðrar sneiðar sýna hlutfall fólks með annað ríkisfang (sjá skammstafanir fyrir neðan).

Hefur það alltaf verið okkar stefna að allir fái það sama miðað við fjölskyldustærð, óháð kyni, þjóðerni, húðlit eða trúarskoðunum, nema fólk afþakki sjálft einstaka vörur.

Er það von okkar að með birtingu þessara gagna að rangfærslum um Fjölskylduhjálp Íslands og skjólstæðinga okkar linni.“

spot_img
spot_img
spot_img

Innlendar Fréttir