Lögreglan á höfuðborgarsvæðinu handtók um fjögurleytið fjóra menn í íbúð í Fossvoginum. Vísir greindi frá.
3 eða 4 afbrot voru tilkynnt í morgun í Fossvoginum að sögn Jóhanns Karls Þórissonar aðstoðaryfirlögregluþjóns.
Lögreglan hafði í dag leitað af einum manni sem grunaður var um innbrotin. Hann fannst í íbúðinni, en þar reyndust vera þrír menn til viðbótar. Ekki er þó ljóst hvort að mennirnir þrír tengist innbrotunum.
Þá er verið að flytja þá alla niður á lögreglustöð, að sögn Jóhanns.
