5.3 C
Grindavik
24. september, 2021

Fleiri fá undanþágur til kennslu

Skyldulesning

Umsóknum skólastjóra til að lausráða starfsmenn, sem ekki hafa leyfi til að nota starfsheitið grunnskólakennari, hefur fjölgað jafnt og þétt síðustu ár. Þetta kemur fram í nýrri ársskýrslu undanþágunefndar grunnskóla 2019-2020.

Á skólaárinu 2019-2020 fjölgaði slíkum umsóknum um 30% frá árinu á undan og samþykktum umsóknum fjölgaði um 33,9%. Alls voru teknar 787 umsóknir til afgreiðslu á skólaárinu og voru 738 þeirra samþykktar en 49 synjað. Af umsóknunum sem voru samþykktar voru 588, eða 79,7%, vegna kvenna og 150, eða 20,3%, vegna karla. Umsóknum um undanþágur til kennslu hefur fjölgað jafnt og þétt frá skólaárinu 2012-2013.

Tæplega þriðjungur samþykktra undanþága, 31,6%, var vegna umsækjenda í menntunarflokki 10. Í honum er fólk með háskólagráðu í grunnskólakennarafræðum (t.d. B.Ed.), leikskólakennarar, þroskaþjálfar o.fl., en sem hafa ekki fullnægjandi menntun í uppeldis- og kennslufræðum.

spot_img
spot_img
spot_img

Innlendar Fréttir