-1 C
Grindavik
23. janúar, 2021

Flokkur fólksins nú gulur – Sjáðu nýja merkið

Skyldulesning

Flokkur fólksins hefur breytt um lit, merki og ásýnd. Nú verður aðallitur flokksins gulur. Þetta kemur fram í fréttatilkynningu. Þar segir að flokkurinn hafi undanfarið verið í umfangsmiklu stefnumótunarferli og samhliða því var ráðist í breytingar á ásýnd flokksins.

„Merki flokksins, litir og leturgerð eru meðal þess sem munu taka breytingum og niðurstaðan er nýtt heildarútlit á öllu kynningarefni. Meginmarkmiðið er að flokkurinn haldi áfram að vekja athygli allra á baráttu sinni gegn fátækt og óréttlæti í íslensku samfélagi.

Aðal litur flokksins verður gulur, sem er hlýr og bjartur. Hann líkir eftir sólinni, er vonarneisti og boð um betri tíma. Hann er nær gildum flokksins sem snúa að velferð og stendur upp úr, hvar sem hann er. Samhliða gula litnum verður svarfjólublár notaður og bleikur þegar á við, en hann er skírskotun í rætur flokksins. Merkið verður áfram friðardúfa en með endurbættu útliti og breyttum vængjum sem mynda tvö „F” sem standa fyrir nafn flokksins. Nýtt, snyrtilegt og auðlesanlegt letur endurspeglar þá hugsjón að Flokkur Fólksins vill tala til allra, ekki síst til þeirra sem eldri eru.

Breytingar á útliti munu halda áfram að þróast og líta dagsins ljós á næstu vikum, meðal annars á vefsíðu flokksins.“

Aðsend mynd

Innlendar Fréttir