-0.7 C
Grindavik
4. desember, 2021

Fór til kærustunnar og virti engar reglur – „Hann verður valdur að hópsmiti“

Skyldulesning

Jesé Rodriguez, leikmaður Paris Saint-Germain, er ekki í uppáhaldi hjá stuðningsmönnum PSG þessa dagana eftir að hann hélt á brott til að djamma með kærustunni sinni á meðan liðsfélagar hans töpuðu gegn Monaco. The Sun fjallaði um málið.

Jesé, sem er 27 ára gamall, flaug til Kanaríeyja með einkaflugvél til að fagna 31 árs afmæli kærustu sinnar, Aurah Ruiz. Jesé og Aurah hafa ekki verið í stöðugu sambandi, þau hafa hætt saman og byrjað aftur saman nokkrum sinnum. Nú virðast þau þó vera byrjuð aftur saman.

Það sem gerði stuðningsmenn PSG sérstaklega reiða er sú staðreynd að Jesé virtist ekki vera að virða sóttvarnarviðmið vegna kórónuveirunnar. Hann dansaði með fólki, mikið var um knús og kossa en engar andlitsgrímur voru sjáanlegar. „Rekið hann núna áður en hann verður valdur að hópsmiti,“ sagði einn stuðningsmaður þegar hann sá hvað Jesé var að gera.

Jesé, sem hefur ekki spilað eina mínútu í síðustu sjö leikjum PSG, hefur vakið mun meiri athygli í gegnum árin fyrir líf sitt utan vallar frekar en innan. Samband hans og Aurah Ruiz hefur verið stormasamt og hafa þau bæði verið mikið í fréttum vegna þess.

Það vakti til að mynda mikla athygli þegar Aurah var ósátt með Jesé í kjölfar veikinda sonarins sem þau eiga saman. Aurah sagði hann vera að bregðast sér þar sem hann var ekki til staðar þegar sonurinn var illa haldinn á sjúkrahúsi

spot_img
spot_img
spot_img

Innlendar Fréttir