Formaður KR boðar stórar og góðar fréttir á næstu dögum – DV

0
111

Lengi hefur staðið til að fara í framkvæmdir á svæði KR og byggja þar upp eina glæsilegustu aðstöðu landsins, það hefur hins vegar dregist á langinn.

Í KR hópnum á Facebook spyr stuðningsmaður félagsins um stöðu máli. Páll Kristjánsson, formaður KR boðar góð tíðindi á næstunni og að uppbyging á KR svæðinu geti farið að hefjast.

„Þetta er að hafast,“ skrifar formaðurinn í svari í hópnum.

„Ytri aðstæður hafa gert okkur svolítið erfitt fyrir. Hluti af verkefninu snýr að Reykjavíkurborg og bíðum við staðfestingar frá borgarráði. Það er það eina sem hefur tafið verkefnið.“

Hugmyndir KR Páll segir að líklega komi góðar fréttir á allra næstu dögum. „Við vorum að vonast til þess að þetta færi af stað núna á vormánuðum. Vonandi getum við fært góðar fréttir á næstu dögum.“

Knattspyrnudeild KR hefur búið við afar slæmar aðstæður í mörg ár og þá sérstaklega yfir veturinn en með nýju svæði verður það í fremstu röð. Aðalvöllur félagsins yrði þá tekinn í gegn, knattspyrnuhöll yrði byggð og fleira til. Þá yrði ráðist í framkvæmdir á íbúðum í kringum völlinn.