2 C
Grindavik
7. maí, 2021

Frægustu stjörnur Íslands syngja um fjárhagserfiðleika Emmsjé Gauta – „Enginn hefur haft það verra en ég“

Skyldulesning

Rapparinn vinsæli Emmsjé Gauti hefur undanfarin jól verið vanur að halda geysivinsæla jólatónleika, Jülevenner. Vegna kórónuveirunnar verða tónleikarnir ekki haldnir í ár en hins vegar ákvað Gauti að gefa út plötu þess í stað.

Í gær gaf hann út myndband á YouTube við eitt laganna. Lagið er byggt á vinsæla söfnunarlaginu Hjálpum þeim með Hjálparsveitinni. Í lagi Gauta syngja margar af skærustu stjörnum Íslands um mikilvægi þess að hjálpa, hjálpa Gauta. Gauti hefur nefnilega ekki getað haldið tónleika á öllu árinu og þess vegna hefur hann ekki náð að halda uppi lífstílnum sínum. Í nóvember var til að mynda greint frá því að hann þyrfti að skila lúxusbílnum sínum.

Ég veit þið eruð nísk en það kostar ekkert að deila og setja ábyrgðina yfir á næsta mann.

— Emmsjé (@emmsjegauti) November 30, 2020

Eins og áður segir eru margar frægustu stjörnur Íslands í þessu myndbandi. Páll Óskar, BRÍET, Young Karin, Rúrik Gíslason, Svala Björgvinsdóttir, Helgi Björns, Hipsumhaps, Gísli Marteinn, Sigga Beinteins, Jakob Frímann, Ragnhildur Steinunn, Herra Hnetusmjör, Jón Jónsson, Friðrik Dór, Jóhanna Guðrún, Steindi Jr., Harmageddon, Valdimar, Aron Can, Salka Sól, Selma Björnsdóttir, Gissur Páll, Gunnar Nelson, Steve Dagskrá og Birgitta Líf koma öll fyrir í myndbandinu.

„Ég veit að mörg ykkar hafa haft það erfitt þetta árið en enginn hefur haft það verra en ég. Líkamsræktin sem ég fæ frítt í er lokuð og ég er kominn á bíl sem þarf að stinga lykli í og ég er ekki einu sinni með hita í stýrinu lengur,“ segir Emmsjé áður en stórskotaliðið hefur sönginn.

Hér fyrir neðan má sjá myndbandið sem um ræðir:

Þrátt fyrir að allar stjörnurnar hafi komið saman til að syngja um að það þurfi að hjálpa Emmsjé Gauta þá mun peningurinn allur renna til Barnaspítala Hringsins.

SÖFNUNARREIKNINGUR

AUR: 123-782-2600 eða beint á notendanafnið julevenner (ath ekki gleyma að gera @ á undan)

Reikningsnúmer:

Reikningur – 0133-26-001449

kt.- 540116-0160

— Emmsjé (@emmsjegauti) November 30, 2020

spot_img
spot_img
spot_img

Innlendar Fréttir