Enski boltinn
Visionhaus/Getty
Enska knattspyrnusambandið ákvað í dag að fresta úrslitaleik deildarbikarsins fram í lok apríl í þeirri von um að áhorfendur fái að mæta á úrslitaleikinn sem fram fer á Wembley-leikvanginum í Lundúnum.
Upprunalega átti úrslitaleikurinn að fara fram þann 28. febrúar en talið er að sóttvarnir í Lundúnum verði enn í strangari kantinum og því engir áhorfendur leyfðir á þeim tímapunkti.
Sem stendur eru enn átta lið sem geta komist í úrslit enska deildarbikarsins en leikið er í bikarnum í vikunni.
The 2020/2021 Carabao Cup final has been pushed back from February to April in the hope that more supporters will be able to attend Wembley.
— Sky Sports News (@SkySportsNews) December 21, 2020
Á morgun, þriðjudag, fer Newcastle United í heimsókn til Brentford sem leikur í B-deildinni. Ríkjandi meistarar í Manchester City heimsækja svo Arsenal. Á miðvikudag eru svo tveir leikir en Tottenham Hotspur heimsækir Stoke City og Everton fær Manchester United í heimsókn.
Allir fjórir leikirnir verða sýndir beint á Stöð 2 Sport 2.
Carabao Cup er á Stöð 2 Sport en upplýsingar um útsendingar má finna hér. Carabao Cup er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
