Fundi slitið og annar ekki boðaður

Samningafundi flugvirkja og samninganefndar ríkisins var slitið nú í kvöld. Heimildir mbl.is herma að annar fundur hafi ekki verið boðaður. Þá sé deilan á mjög erfiðum stað, en fundur dagsins stóð yfir í tíu klukkustundir.

Flug­virkj­ar hjá Land­helg­is­gæsl­unni hafa verið í verk­falli frá 5. nóv­em­ber, en verk­fallið hef­ur áhrif á þyrlu­flota gæsl­unn­ar. Engin þyrla hefur verið tiltæk frá því á miðnætti.