Gaf mömmu sinni kjöltudans á 20 ára afmælisdaginn – DV

0
102

Danielle Bregoli, eða Bhad Babie eins og hún er kölluð í dag, var þrettán ára þegar hún öðlaðist frægð á einni nóttu í kjölfar þess að hún kom fram í spjallþætti Dr. Phil ásamt móður sinni. Hún var titluð sem „vandræðaunglingur,“ sögð vera „erfið í skapinu“ og „alltaf til vandræða.“

Eftir þáttinn var hún send á búgarðinn Turn-About Ranch, sem var fyrir vandræðaunglinga. Hún, ásamt fjölda fyrrverandi vistmanna búgarðsins, hefur nú stigið fram og greint frá ofbeldi sem hún var beitt á meðan dvöl hennar stóð og auk þess harðlega gagnrýnir hún Dr. Phil harðlega fyrir að senda hana og hina unglingana á þennan stað.

Í þættinum kom hún með frasann fræga: „Cash me outside, how ‘bout dat?“ og sló í gegn nánast yfir nóttu. Í kjölfarið sankaði hún að sér frægð og frama í gegnum samfélagsmiðla og tónlist.

Þegar hún varð átján ára stofnaði hún OnlyFans-síðu og græddi eina milljón bandaríkjadollara, eða 126 milljónir króna, á fyrstu sex klukkutímunum og sló þar með öll sölumet OnlyFans.

Bhad Bhabie og mamma hennar. Erfitt samband Samband Danielle og móður hennar hefur ekki alltaf verið dans á rósum.  Danielle átti erfiða æsku. Móðir hennar, Barbara Ann, ól hana ein upp en faðir hennar yfirgaf þær þegar Danielle var smábarn.

Hún og móðir hennar rifust heiftarlega og oft þróuðust rifrildin út í slagsmál. Hún viðurkenndi á sínum tíma: „Ég er frekar ofbeldisfull. Ég kýldi hana því hún vildi ekki láta mig í friði. Ég er annaðhvort að brjóta niður hurðina hennar eða hún að brjóta niður mína hurð. Ég hætti ekki fyrr en ég sé dæld í hurðinni.“

Móðir hennar sagði hegðun Danielle vera ástæðuna fyrir því að þær mæðgur enduðu í spjallþætti Dr. Phil.

Skjáskot/TMZ Gaf mömmu sinni kjöltudans Bhad Bhabie varð 20 ára þann 26. mars síðastliðinn og til að fagna stórafmælinu gaf hún móður sinni kjöltudans og „twerkaði“ upp við hana. TMZ greinir frá og birtir nokkrar myndir frá afmælisfögnuðinum.

„Hún lærði þetta ekki af mér því ég hef ekki hugmynd um hvernig á að gera þetta,“ sagði mamma hennar.