7.3 C
Grindavik
24. október, 2021

Gáfu Skagafjarðarhöfnum 40 björgunarvesti

Skyldulesning

Stefanía Sigurðardóttir afhenti hafnarstjóranum, Degi Baldvinssyni, björgunarvestin fyrir hönd Fisk Seafood.

Ljósmynd/Fisk Seafood

Útgerðarfyrirtækið Fisk Seafood hefur fært Skagafjarðarhöfnum tvo kassa af björgunarvestum að gjöf. Í hvorum kassanum eru 20 björgunarvesti og verða kassarnir á tveimur stöðum, austan við Hafnarhúsið á Sauðárkróki og við Hafnarhúsið á Hofsósi, að því er fram kemur á vef útgerðarinnar.

„Með þessu framtaki leggjum við áherslu á aukið öryggi barna og unglinga á höfnunum með bættu aðgengi að björgunvarvestum og þætti okkur vænt um að sjá þau í notkun,“ er haft eftir Stefaníu Sigurðardóttur, gæða- og öryggisstjóri FISK Seafood.

Dagur Baldvinsson, hafnarstjóri Skagafjarðarhafna, kveðst fullur þakklæti. „Vestin munu komu sér vel á bryggjunum og viljum við minna á að það er skylda fyrir börnin að vera í vestum meðan þau eru að veiða á bryggjunum, það er of algengt að sjá þau vestislaus. Hafnarstarfsmenn munu vera duglegir að benda krökkunum á vestin og aðstoða þau ef á þarf að halda,“ segir hann.

spot_img
spot_img
spot_img

Innlendar Fréttir