2 C
Grindavik
7. maí, 2021

Gasmengun yfir stikuðu leiðinni

Skyldulesning

Gosið er í Geldingadal við Fagradalsfjall. Gas getur þar verið …

Gosið er í Geldingadal við Fagradalsfjall. Gas getur þar verið í dölum og lægðum og því varhugavert að fara á svæðið.

Ljósmynd/Landhelgisgæslan

Vaxandi norðan og norðaustanátt er á gossvæðinu, 13-18 m/s með hríðarveðri undir hádegi og gasmengun berst því einkum til suðurs og suðvesturs frá gosstöðvunum. Stikaða gönguleiðin er suður af eldgosinu samkvæmt upplýsingum frá Veðurstofunni og má því búast við því að það sé gasmengun yfir gönguleiðinni. Greint var frá því í fréttum RÚV klukkan 6 í morgun að fólk sé þegar farið að koma að gosstöðvunum og fólki ráðið frá því að ganga stikuðu leiðina núna.  

Einar Bessi Gestsson, náttúruvársérfræðingur á Veðurstofu Íslands, segir að stöðug virkni hafi verið í eldgosinu í alla nótt og áfram sé virkni í báðum gígum. Ekki hafa verið markverðir jarðskjálftar í nótt en áfram smá skjálftavirkni á svæðinu. 

Hér er hægt að skoða kort sem sýnir hvernig gasmengunin er á svæðinu

Útlit er fyrir langvarandi eldgos í Geldingadal að því er segir á Facebook-síðu eldfjalla- og náttúrufræðihóps Háskóla Íslands í gær. Þar er fólk beðið um að fara varlega en birt var frétt upp úr færslunni á mbl.is í gærkvöldi. 

spot_img
spot_img
spot_img

Innlendar Fréttir