2.3 C
Grindavik
27. nóvember, 2021

Gerðu aðsúg að lögreglustöðinni í Kópavogi – Hræktu á lögreglumenn og reyndu að frelsa félaga sinn úr haldi

Skyldulesning

Hópur ungra manna var til vandræða í Kópavogi um fimm leytið í nótt. Þetta kemur fram í dagbók lögreglu. Hópurinn gerði aðsúg að lögreglu, tálmuðu störf þeirra og fóru ekki að fyrirmælum. Þrír ungir menn voru í kjölfarið handteknir grunaðir um fjölda brota, meðal annars brot á lögreglusamþykkt, hótanir og að hafa tálmað störf lögreglu. Mennirnir voru vistaðir í fangageymslu lögreglu fyrir rannsókn málsins. Einn þeirra þriggja er aðeins 17 ára og málið var því tilkynnt til barnaverndarnefndar sem og foreldra.

Uppfært: Tilkynning hefur borist frá lögreglu vegna málsins þar sem nánar er greint frá málsatvikum. Þar segir:

„Þrír ungir menn voru handteknir fyrir ólæti i Kópavogi í nótt, en þeir létu mjög ófriðlega eftir að lögreglan stöðvaði för ökumanns í bænum sem var grunaður um akstur undir áhrifum áfengis og/eða fíkniefna. Þremenningarnir, sem voru farþegar í fyrrnefndri bifreið, reyndu að tálma störf lögreglunnar á vettvangi og höfðu uppi grófar hótanir í garð lögreglumanna. Eftir að ökumaðurinn var handtekinn fóru þremenningarnir síðan að lögreglustöðinni í Kópavogi og héldu þar uppteknum hætti, en svo fór að þeir voru allir handteknir. Háttsemi mannanna fólst m.a. í því að hrækja á lögreglumenn, berja og sparka i lögreglubíla og reyna ítrekað að frelsa handtekinn mann.“

Á meðal málsgagna eru upptökur úr búkmyndavélum lögreglumanna á vettvangi.“

spot_img
spot_img
spot_img

Innlendar Fréttir