Eins og siður er fyrir kosningar eru kannanir gerðar eins og enginn sé morgundagurinn.  Nú í byrjun sumars og tveimur dögum fyrir kosningar leit önnur könnun Júllans dagsins ljós og það er ekki ofsögum sagt að miklar sveiflur eru frá síðustu könnun.

Það helsta er að framsóknarmenn sækja á og mælast nú stærsti flokkurinn hér um borð, en sjálfstæðismenn koma í humátt á eftir. En það er sem fyrr að stjórnarflokkarnir þurrkast út og ná ekki einu atkvæði.

En hætt er við því að þetta skili sér ekki í kosningunum því amk þriðjungur áhafnarinnar hefur ekki kosið utankjörfundar og þar sem við verðum í landi á sunnudagsmorgun eftir kjördag er víst að þessi atkvæði detti dauð niður…

Júllinn.is óskar lesendum sínum gleðilegs sumars!