-1 C
Grindavik
21. janúar, 2021

Hægviðri, slydda eða snjókoma

Skyldulesning

Hæg suðaustlæg átt í dag og dálítil slydda eða snjókoma með köflum en rigning við suðurströndina og hiti kringum frostmark. Hægara og bjartviðri austan til en talsvert frost á þeim slóðum.

„Suður af Hvarfi er vaxandi lægð sem nálgast landið undir kvöld og fer þá að hvessa úr suðaustri. En á morgun þokast lægðin til austurs sunnan við landið og gengur á með allhvassri eða hvassri norðaustanátt og fer að snjóa fyrir austan.

Hlýnar jafnfram ört í veðri og úrkoman breytist yfir í rigningu eða slyddu um kvöldið, en áfram helst úrkomulítið á vesturhelmingi landsins. Dagana þar á eftir er spáð austlægum áttum með fremur hlýju veðri og vætu á víð og dreif, einkum þó suðaustanlands,“ segir í hugleiðingum veðurfræðings á Veðurstofu Íslands.

Veðurspá fyrir næstu daga

Suðaustlæg átt, 3-10 m/s og dálítil slydda eða snjókoma með köflum, rigning við S-ströndina, en hægara og yfirleitt bjartviðri eystra. Suðaustan 8-15 og bætir í úrkomu SV-til í kvöld. Frost yfirleitt 0 til 12 stig, kaldast í innsveitum NA-lands, en frostlaust við S-ströndina.

Gengur í norðaustan 10-18 m/s á morgun, hvassast við S-ströndina og fer að snjóa A-lands, en rigning eða slydda þar um kvöldið og hlýnar í veðri. Skýjað en úrkomulítið í öðrum landshlutum.

Á miðvikudag:

Austan og síðar norðaustan 8-15 m/s og slydda eða snjókoma með köflum og frost 0 til 6 stig, en rigning við S- og A-ströndina seinni partinn með hita 1 til 5 stig.

Á fimmtudag:

Austlæg átt, 10-15 m/s og rigning eða slydda með köflum, en lengst af hvassari norðaustanátt og snjókoma NV-til. Hiti 0 til 7 stig, hlýjast syðst.

Á föstudag, laugardag, sunnudag og mánudag:

Ákveðin austlæg átt og rigning með köflum SA-til, en dálitlar skúrir eða slydduél í öðrum landshlutum. Hiti 2 til 7 stig.

Innlendar Fréttir