-4 C
Grindavik
4. desember, 2020

Hælisumsóknum fækkar lítið í Covid þrátt fyrir hrun í flugsamgöngum – Fækkar hraðar í nágrannalöndum

Skyldulesning

Með í reikninginn – hjartaáföll

Einn dag fyrir átta árummeð eimskipi tók ég far.Nú man ég því miður ekkihver meining ferðalagsins var. En einhverra orsaka vegnaað endingu landi...



Umsóknum hælisleitenda um vernd hefur fækkað mikið samhliða samdrætti í flugsamgöngum vegna Covid-19 faraldursins. Samkvæmt tölum frá Útlendingastofnun bárust aðeins 10 umsóknir í apríl og maí, samanlagt. Á fyrstu tíu mánuðum ársins bárust stofnuninni 596 umsóknir. Á sama tíma í fyrra voru umsóknirnar 697 talsins.

Fækkunin nemur því 14%. Á sama tímabili dróst almenn umferð ferðamanna um Keflavíkurflugvöll saman um 73%.

Í Noregi hefur hælisumsækjendum fækkað um 35% á sama tímabili, fyrstu tíu mánuðum árs. Þar eru umsóknir það sem af er árs orðnar 1.244 talsins.

Langflestar hælisumsóknir á Norðurlöndum eru í Svíþjóð en þó hefur þeim fækkað um 40% á þessu sama tímabili. Það sem af er árs hafa 11.165 sótt þar um hæli.

Í Danmörku fækkaði á fyrstu þremur ársfjórðungum (janúar til og með september) hælisumsóknum um 71% samanborið við sama tímabil árið 2019. Fóru þær úr 1.550 í 440 á milli ára. Danir lokuðu landamærum sínum snemma í kórónuveirufaraldrinum sem virðist hafa haft mikil áhrif á fjölda hælisleitendur.

Fleiri fréttir

Innlendar Fréttir