9.3 C
Grindavik
25. september, 2022

Hafi verið að verja sjálfan sig þegar hann skaut níu ára stelpu til bana

Skyldulesning

Verjendur karlmanns sem er sakaður um að hafa skotið níu ára stúlku segja hann einungis hafa verið að verja sjálfan þegar hann skaut í áttina að ræningja sem ógnaði honum með byssu.

Í réttarhöldum á fimmtudag fóru verjendur Tony Earls fram á að honum yrði sleppt úr haldi á grundvelli þess að hann hafi ekki ætlað að skaða hina níu ára Arlene Alvarez.

„Skjólstæðingur okkar á rétt á því að verja sig,“ sagði Brennen Dunn, einn verjenda Earls í dómssal.

Dómari féllst ekki á að hann yrði leystur úr haldi eða trygging hans lækkuð. Hann mun því áfram dvelja í Harris County fangelsinu.

Armando Alvarez og Gwen Alvarez, foreldrar Arlene.Ap/Juan A. Lozano

Að sögn lögreglu sátu Earls og eiginkona hans í bíl sínum þegar þau voru rænd við hraðbanka í suðausturhluta Houston um klukkan 21:45 á mánudag. Þá hafi Earls stigið út úr bifreiðinni og skotið í átt að hinum grunaða.

Að sögn saksóknara tók ræninginn tuttugu dala seðil og bíllykla ófrjálsri hendi sem hann missti síðar á jörðina. Arlene sat í aftursæti pallbíls þegar hún var skotin í höfuðið. Hún lést næsta dag á spítala.

Saksóknari fullyrðir að Earls hafi skotið fjórum sinnum í átt að ræningjanum og svo skotið pallbílinn tvisvar. Að sögn lögreglu taldi Earls að maðurinn hafi mögulega klifrað um borð í bílinn.

spot_img
spot_img
spot_img

Innlendar Fréttir